Vartdal Ringmur

Plate på mark på 1-2-3. Vartdal Ringmurselement - forskaling og isolasjon i eitt for golv på grunn

Vartdal ringmurselement er eit unikt system for golv på grunn. Elementa har ferdigbehandla overflate og tosidig isolering. Ringmurselementet er tilpassa yttervegger som er 150 mm tjukke. Elementet er utforma slik at den innvendige golvløysinga kan utførast enkelt og samtidig gi ei fullgod isolasjonsløysing.

Kvifor velje våre Ringmurselement?

  • Enkel montering
  • God isolasjonsevne
  • Ferdig utvendig behandla
  • Kort byggjetid
  • Ferdige hjørneløysingar
  • Kan nyttast ved ulike grunnforhold
  • Lågt varmetap
  • Godt vern mot kapillaritet og fuktvandring
  • Komplett system

 

Produktinformasjon


Vartdal Ringmur vert framstilt av STYROPOR S150 som tilfredsstiller klasse 35 (0,035 W/mk) etter den nye standarden EN-13163. Elementet si ytterside er pålimt ei 6 mm hardpressa fiberelementsplate som tilfredsstiller NBI (EOTA) sine krav til støytmotstand og gir ei vedlikehaldsfri overflate.

Vartdal Ringmur vert levert med standard lengde 1150 mm og i høgder på 300 mm (VR-300), 450 mm (VR-450), 600 mm (VR-600) og 750 mm (VR-750). Elementet vert levert med not og fjør for enkel montering.

På førespurnad kan Vartdal Ringmur leverast i andre høgder enn dei som er nemnde ovanfor.

Ringmurselement i Styropor (EPS) er ei utbreidd og mykje brukt løysing hos profesjonelle entreprenørar og utbyggjarar. Årsaka til dette er den unike kombinasjonen av forskaling, isolasjon og ferdig pussa utvendig overflate. Dette sikrar den utførande entreprenøren, og kunden, ei løysing som er hundre prosent i samsvar med byggjeforskriftene.

Vartdal Ringmur - ei investering i kvalitet for framtida.

Last ned:
Vartdal Ringmur (PDF) >>

Teknisk godkjenning (PDF) >>

Tilbake til Byggisolasjon